Gyan
CoronaVirus Kya Hai ? Lakshan Aur Bachav.
Corona Virus Kya Hai ?
bahut se virus hai jo jaanwaro aur insano dono me bimari ko janm dete hai. Insano me Corona Virus se sans lene sambandhi dikkate hoti hai, Jinme samany Khasi jukam aur jyada se jyada Middle East Respiratory Syndrome shuru hota hai sath hi marij ko Severe Acute Respiratory Syndrome hone ki sambhawna rahti hai. Jis Corona Virus ka prakop es samay faila huaa hai, wah hal hi me paya gya hai. Es virus se Coronavirus naam ki bimari hoti hai. Ese COVID-19 ke naam se jana jata hai.
COVID-19 Kya Hai ?
Kovid 19 Ek sankramak bimari hai. Yah bimari hal hi me paye gaye Coronavirus se hoti hai. Yah ek naya virus hai. Iske bare mein pahle koi jankari nahi thi. Iske bare mein sabse pahle jankari December 2019 me Chin ke Wuhan me mahamari failne ke bad logo ko maloom chali.
COVID-19 Ke Lakshan kya Hai ?
kovid 19 ke laksharo ki baat ki Jaaye to isme Bukhar, thakan, Sukhi Khasi Shamil Hai. Sath Hi marijon Ko Dard hota hai aur Saans Lene Mein dikkat Hoti Hai. Iske alava naak Bahti rahti hai, Gala kharab rahata hai aur dayariya hone ki bhi ummid rahti hai. Suru me ye lakshan kam rahte Hai lekin Dheere Dheere Waqt Ke Sath badhate Jaate Hai. Hala ki Kuchh Logon Me Sankraman Ho Jaane ke bad Lakshan Nahin Paye Jaate aur vah aswasth mahsus bhi nahin Karte Hai. Corona virus se adhiktar 80 fisadi marij theek ho Jaate Hai, jinme Kisi Khas Tarah Ki dekhbhal ki avashyakta bhi nahin Hoti hai. Har 6 mei se ek vyakti, Jise Corona Virus hota hai vah Gambhir rup Se bimar Hota Hai aur use sans lene me Khasi dikkat Aati Hai. Bujurg vayaktiyo, jinhen high blood pressure, Hardy sambandhit Rog, diabetes Jaisi Swasth sambandhi Anya bimariyan ho ise Gambhir rup se bimar ho Jaate Hai. Jin Logon Ko Bukhar Hai, Gale Mein balgum rahata hai aur Saans Lene Mein dikkat Aati Hai unhen Apna Ilaaj karvane ki avashyakta hai.
COVID-19 Kaise Failta Hai ?
Corona Virus ek vayakti se dusre vyakti tak failta hai. Chhoti-chhoti bundi ya draplets ke chalte yah virus ek vyakti se dusre vyakti tak pahuchta hai. jab koyi vyakti khasta ya chhikta hai to draplets aap-pass ki chijo par girte hai. Eske bad any log bhi sankrman ke chapet me aa jate hai. Hantho me draplets hone ke bad jab koyi vyakti apne Aankh, Nak, Muh ko chhuta hai to Corona Virus failne ki ummed rahta hai. Corona se sankramit vyakti jab khasta ya chhikta hai to uske aas-pass ke log bhi usi mahul me sans lete hai. Yese me unko bhi sankraman hone ki sambhawna rahti hai. Esliye yah aawashyak ho jata hai ki aap bimar vyakti se 1 Meter ya 3 Feet ki duri par rahe. Vishw Swasth sangathan es par shodh kar raha hai ki Corona Virus kaise failta hai ? Corona Virus ko lekar taza update ham aapke sath sajha karte rahege.
Kya COVID-19 Ya Corona Virus Hawa Se Failta Hai ?
Maijuda adhayan batata hai ki COVID-19 ya Corona Virus ek vayakti se dusre vyakti tak Respiratory Droplets ke jariye hi failta hai na ki hawa ke jariye.
Kya Corona Kisi Aise Vyakti Me Paya Ja Sakata Hai, Jisame Esake Lakshan Na ho ?
Corona virus mukhyatah sankramit vyakti dvaara khansane ya chheekane se phailata hai. Jab vyakti khasata ya chheekata hai to usake dvaara Dropalets apane aas paas ke mahaul mein phail jaate hain. Jisase log sankramit hote hain. Jis vyakti me Corona Virus ke lakshan nahi hai Usase korona sankraman hone ke ummeed bahut kam rahti hai. Halanki jin logo ko Corona Virus hota hai uname lakshan bahut kam me hi najar aate hain. Yesa khasakar bimari ki shuruaatee sthiti me rahata hai. sambhav hai ki Corona Virus aese vyakti se ho jisako sirf halka khansi-jukaam ho aur vah beemaar na ho. vishv svaasthy sangathan is par shodh kar raha hai ki kitanee avadhi mein Corona Virus phailata hai. Ese lekar ham aapake saath apadet sheyar karate rahenge.
Kya Corona Virus Beemaar Vyakti Ke Mal-Mootr Se Phailata Hai ?
Sankramit vyakti ke mal-mootr se Corona phailane kee ummeed bahut kam rahatee hai. shuruaati jaanch bataati hai ki kuchh maamalon me mareej ke mal-mootr mein bhee virus ho sakata hai. Mal-mootr ke sankraman phailana philahaal is mahamari ka hissa nahi hai. Vishw svaasthy sangathan is par shodh kar raha hai ki Corona Virus kaise phailata hai aur Esako lekar taaja apadet ham sheyar karate rahenge. Eseelie bahut jaroori ho jaata hai ki niyamit taur par haath dhote rahen. khaana khaane se pahale aur baatharoom jaane ke baad bhee haath dhote rahen.
Main Khud ko Corona Virus se Bachaane ke Liye Aur Es Beemari ko Rokane Ke liye Kya Kar Sakta Hoon?
Sabase jaroori hai ki Corona Virus ko lekar taaja janakari se soochit rahen, jaagarook rahen. Es beemari ko lekar vishv svaasthy sangathan kee vebasait ya phir raashtreey aur sthaaneey jan svaasthy adhikaariyon se sampark mein rahen. Duniyabhar me bahut sare desho me Corona Virus sankraman phail raha hai. Halanki china me sarakar ne is mahamari par ankush lagane me kamayabi hasil ki hai. Sthiti ke baare mein kuchh nishchit taur par kaha nahi ja sakata, Esaliye Corona ko lekar taaja jaanakari hasil karate rahe. Yahaa kuchh savadhaniya batayee ja rahi hain, jinaka paalan kar Corona Virus ke sankraman se bacha ja sakata hai…
1. Niyamit taur par saabun se haath dhoen ya phir alcohal vaale haind vash se haathon kee saphayee karen. Niyamit taur par haath dhone se haathon mein maujood virus mar jaate hain.
2. Koyee bhee vyakti jo khaans ya chheenk raha ho usase 1 meetar ya 3 pheet kee dooree banae rakhen. aisa isalie kyonki jo bhee vyakti khaans ya chheenk raha hota hai usake kuchh dropalets naak ya munh se nikalate hain jinamen vaayaras rahata hai. agar jo vyakti aise me kareeb rahata hai aur us dropalets ko apane bheetar le leta hai to usako bhee Corona Virus hone kee aashanka rahatee hai. Agar khansane ya chheenkane vaala vyakti Corona sankramit hai to aise mein Coronavirus se sankramit hone kee aashanka bhee badh jaatee hai.
3. Baar-baar apani aankhon, naak aur munh ko chhoone se bachen. Aisa esaliye kyonki haath bahut se sthano ko chhoota hai jisase haath mein virus aa jaate hain. Ek baar agar haathon ke jariye virus aankh naak ya munh tak pahunchata hai to ho sakata hai vah shareer mein daakhil ho jaye aur aap beemaar pad jaen.
4. Es baat ka dhyan rakhen ki aapake aas-paas aur aap saans lete samay saaph-saphayi ko barakarar rakhen yani jab bhee koyi khanse ya chheenke to apne munh ya naak ko kohanee ya baajoo se dhaken. Yadi aap tishoo istemaal kar rahe hain to use jald se jald dastabin mein daalen kyonki usamen dropalets rahate hain aur isase Corona phailane kee aashanka bhee rahatee hai. Agar aap respiretree haijeen ka paalan karate hain to khaansi-jukaam aur phloo hone ki aashanka apane aap kam ho jaatee hai.
5. Agar aap asvasth mahasus kar rahe hain ya aap ko bukhaar hai, khansee, jukaam hai yah saans lene mein dikkat hai to behatar hai ki aap ghar par rahen ya phir apana ilaaj karaen. apane najadiki svaasthy athoritee ya phir rashtreey athoritee se sampark karen, kyonki unake paas sthiti ko lekar sabase sahee janakari rahati hai. Yadi aap samay rahate Call karate hain to svaasthy suvidha dene vaale vyakti bhee aapako sahee salaah de sakate hain, Jisase aap korona ya phir any tarah ke sankraman se khud ko bacha sakate hain.
6. Un jagaho ke baare mein janakari jaroor rakhen jaha Corona virus ka sankraman phail raha hai aur koshish karen ki is tarah kee jagah par na jaye. Khasakar yadi aap bujurg vyakti hain ya phir aapako dayabiteej, hrday sambandhee bimari ya phephadon se sambandhit bimari hai kyonki is tarah ke logon ke sankraman ke chapet mein aane kee jyaada aashanka rahatee hai. Jo log haal hee mein ya 14 din ke bheetar Corona prabhaavit ilaakon mein gaye hain. Ve ehatiyaatan ye kadam utha sakate hain.
Upar diye gaye nirdesho ka paalan karen. Bheedabhaad vaale ilakon aur logon se doori banaye. Aap ghar par rahakar logon se doori banaen. Agar aap asvasth mahasoos kar rahe hain to aap logon se doori banaye aur bheedabhaad se door rahen. Agar aapame chhote-mote lakshan bhee najar aa rahe hain, masalan sir dard hona, halka bukhaar hona ya naak bahana to phir bhee aap ehatiyatan kadam uthaen. Agar aapake liye ghar se baahar nikalana bahut jaroori hai to maask lagaakar jaye jisase ki aap doosaro ko sankramit na karen. Dusaron se duree banana isalie jaruri hai kyonki isase na sirph aap surakshit rahenge balki dusaro ko bhee Corona prabhaavit hone se bachaenge. Agar aapako bukhaar hai, khaansee hai ya saans lene mein dikkat hai to jaruri medikal salaah le kyonki yah kisi saans sambandhee imphekshan ya phir kisi dusari bimari ke chalate bhee ho sakata hai. Jarori taur par aap adavans me sambandhit athoritee ko Call kare aur bataye ki aapane kaha kee yaatra kee hai. Saath hee aap kin yaatriyon se sampark mein aaye the. Agrim taur par Call karane se aapako sahee suvidha muhaiya karayi jayegi. Jisase Corona Virus phailane me rokathaam bhee hogee.
Kya Kntibiotics Corona Virus Par Rokathaam Ya ilaaj ke Liye Karagar Hai ?
Nahi. Antibiotics virus ke khilaaph kaam nahin karate hain. Baiktiriyal sankraman me kaam karate hai. Corona Virus ek virus ke chalate ho raha hai. Esaliye es par antibiotics kaam nahi karenge.
Kya Corona Virus ke ilaaj ke Liye koyi Vaikseen Ya Drag Hai ?
Aaj ki tarikh mein Corona Virus ke ilaaj ke liye koyi drag ya vaikseen nahin hai. Halanki jin logon me Corona ke lakshan dikhayi de rahe hain unhen un lakshano se nijaat dilaane ke liye doctor prayaasarat hain. Saath hi gambheer roop se bimar logon ko Hospital me bhartee kiya ja raha hai. Jyadatar Corona mareej theek ho sakate hain. Philahal Corona ke ilaaj ke liye vaikseen par janch ki ja rahi hai. Shodh kiya ja raha hai. Mamale mein kleenikal traayal kiye ja rahe hain. Vishv svaasthy sangathan vaikseen banaane ke liye kaam kar raha hai jisase ki Corona Virus par rok lagayi ja sake. Corona Virus se bachaav ka sabase aasaan tareeka hai ki aap apane haath niyamit taur par dhote rahen, khaansate-chheenkate vakt apani kohanee ya phir tishu ka istemal kare. Bimar vyakti se ya phir khaansane chheenkane vaale vyakti se 1 meetar ki doori banaen.
Un Logon Ke liye Suraksha Upaay, Jo Haal Hi Me (Pichhale 14 Dinon me) Aise Chhetron Mein Gaye Hai, Jahaa Covid-19 Phail Raha Hai.
Dishanirdeshon ka paalan kare (sabhee ke liye bachaav ke upaay) yadi aap asvasth mahasoos karate hain, Yaha tak ki siradard, Kam bukhaar (37.3 selsiyas ya Upar) aur mamuli naak bahane jaise lakshan hone par bhi tab tak ghar mein rahen jab tak ki aap theek na ho jaen. Yadi saman lene ke liye aapako bahar jaane ki jaroorat hai, To maask pahanakar jaye, Taaki doosare log aapase prabhaavit na ho saken. Doosaro ke saath sampark se aane se bache. Esase aapako aur any ko sambhav Covid-19 aur any vaayaras se bachane me madad milegi. Yadi aapako bukhaar, khaansee aur saans lene mein kathinayi hotee hai, to turant chikitseey salaah le, kyonki yah shvasan sankraman ya any gambheer sthiti ke karan ho sakata hai. Samay rahate Call kare aur agar aap haal mein kisi yaatra se laute hai, to apane provayidar ko bataye ya yatriyo ke saath sampark kare. Darasal pahale se hi Call karane se aapaka health keyar provayidar aapako samay rahate sahi svaasthy suvidha ke liye nirdeshit kar sakega. Yah Covid-19 aur any vaayaras ke sambhaavit prasaar ko rokane mein bhee madad karega.
